近期環球市況又再波動，不少投資者都在網上討論如何應對。近日連登討論區出現一則「牛牛神人，一晚執3000萬」的帖子討論一位富途牛牛用戶「查理芒格17」的投資方法，他的持倉在過去2年的回報率超過36倍，由於他的投資回報率跑贏不少基金大戶因而被網民封為「牛牛神人」。不過，有網民留言「哩個人愈跌愈買 一買就幾廿萬加注」，更坦言「唔知點玩」。

來源:「查理芒格17」富途牛牛截圖

該帖子公開了「牛牛神人」在6月22日一張富途牛牛截圖，顯示「查理芒格17」在當日賺了362萬美元（近2800萬港元）。有網民在討論區留言表示「有追開佢。。芒格17大哥好出名」、「牛牛仲有啲咩神人可以跟」、「芒格大大一定係富豪黎, 過億身家..........我地的平民真係得個望字」、「我有留意佢 佢有無限本咁 愈跌愈買」、「本多終勝」、「勁到呢」。

不過，亦有網民不認同他的投資方法，留言表示「我有幾十億美金我都得啦」、「佢本多狂mix，soxl跟過，佢老味40溝幾轉落到29，根本係唔會好似佢咁做，撞一次真熊，就食屎」、「有本有幾難」、「佢輸左無貼出黎姐」、「有認真睇過下就知其實只係無腦加倉，冇咩好吹奏」。

來源:「查理芒格17」富途牛牛截圖

據「查理芒格17」在富途牛牛的個人簡介顯示，他自稱自己與巴菲特、喬布斯、馬斯克、中本聰同行價值投機，以「不短線、不看線、不分析、就是幹」的投資理念進行投資。

「查理芒格17」在富途牛牛更貼出了他的最新持倉，包括Moxian Inc(MOXC)、AMC、Property Solutions Acquisition Corp. (PSAC)、Coinbase Global(COIN)、Lemonade (LMND) ，當中只有PSAC出現帳面虧損，其他均錄得帳面盈利。

來源:「查理芒格17」富途牛牛截圖

如果想收到更多財經資訊，可留意+01資訊網 Facebook專頁

如果想收到更多財經資訊，請追蹤+01資訊網 Facebook專頁